O Heimatland, Verse in schwäbischer Mund-Art von Thaddäus Troll, 2000, Silberburg-Verlag, TübingenThaddäus Troll

Unterwanderung
(Leseprobe aus: O Heimatland, Verse in schwäbischer Mund-Art, 2000, Silberburg-Verlag, Tübingen)

Em oberland doba do wo sich dr schnee
schiergar scheniert daß r it schwaaz isch
ond wo dia geossa von dr Es-Pee-Dee
en schlappschuah romschlurget
daß se am firschta it oagnehm uffalet
ond en ihrm parteibuach hent se s
heiligabildle liega fir fleißichs minischtriera
noch dr erschtkommunjo
do isch onser herr Jesus gluschtwandelt
od hot a schild gseha
mit seim nama: Cee-Dee-U
do isch r neiganga ond hot gefroget
ob r en dia partei eitreta kennt.
r hot sich ausweisa miassa ond do hent
dia manna gsait s sei nex mit
era mitgliedschaft die gefahr
der onterwanderong sei groß
denn sei bergpredicht benhalte
gefährliches sozialischtisches gedakengut.

na isch r ganga ond hot gseifzt:
du liabs herrgöttle vo Biberach!

Rezension I Buchbestellung I home 0I08 LYRIKwelt © T.T./Silberburg-Verlag, Tübingen