Parzival
Sus heb ich an: lats iuch
gezemn.
ir sult niemer iuch verschemn.
verschamter lip, waz touc der mer?
der wont in der muze rer,
da im werdekeit entriset
undu iu gein der helle wiset.
ir tragt geschickede unde schin,
ir mugt wol volkes herre sin.
is hoch und hoeht sich iwer art,
lat iweren willen des bwart,
iuch sol erbarmen notec her:
gein des kumber sit ze wer
mit milte und mit güete:
vlizet iuch diemüete.
der kumberhafte werde man
wol mit schmame ringen kan
(daz ist ein unsüez arbeit):
dem sult ir helfe sin bereit.
swenne ir dem tuot kumbers buoz,
so nahet iu der gotes gruoz.
im ist noch wirs dan den die gent
nach porte alda diu fenster stent.
Ir sult bescheidenliche
sin arm und riche.
wan swa der herre gar vertout,
da ist niht herlicher muot:
sament er ab schaz ze sere,<
daz sint och unere.
gebt rehter maze ir orden.
ich pin wol innen worden
daz ir rates dürftic sit:
nu lat der unfuoge ir strit.
irn sult niht vil gevragen
bedahter gegenrede, diu ge
reht als jenes vragen ste,
der iuch wil mit worten spehen.
ir kunnet hoeren unde sehen,
entseben unde draehen:
daz solt iuch witzen naehen.
lat derbärme bi der vrävel sin.
sus tuot mir rates volge schin.
Rezension I Buchbestellung I home III00 © LYRIKwelt